Պուտինը ստորագրել է օրենք, որով արգելվում է արտաքսել ՌԴ զինված ուժերում ծառայող օտարերկրացիներին
Ռուսաստանի նախագահ Վլադիմիր Պուտինը ստորագրել է օրենք, որով նախատեսվում է արգելել Ռուսաստանի տարածքից վարչական կարգով արտաքսել այն օտարերկրացիներին, ովքեր ծառայություն են անցնում Ռուսաստանի Դաշնության զինված ուժերում։ Համապատասխան փաստաթուղթը հրապարակվել է իրավական ակտերի պաշտոնական հրապարակման կայքում։
Օրենքով սահմանվում է, որ վարչական պատժի այդպիսի տեսակ, ինչպիսին է Ռուսաստանի տարածքից վարչական արտաքսումը, չի կիրառվի այն օտարերկրյա քաղաքացիների և քաղաքացիություն չունեցող անձանց նկատմամբ, որոնք պայմանագրային հիմունքներով անցել են զինվորական ծառայություն և մասնակցել մարտական գործողություններին՝ զինված ուժերի կամ այլ ռազմական կազմավորումների կազմում։
Եթե վարչական պատիժ նշանակելիս նախատեսված է արտաքսում, ապա դրա փոխարեն կկիրառվի տուգանք կամ պարտադիր աշխատանքներ՝ 100-ից 200 ժամ տևողությամբ։
Բացի այդ, սպորտային մրցումների ժամանակ հանդիսատեսի վարքականոնների խախտման համար այս անձանց նկատմամբ կարող է սահմանվել մրցումների անցկացման վայրեր այցելելու արգելք՝ մեկից մինչև յոթ տարի ժամկետով։
Ավելացնել նոր մեկնաբանություն