Թուրքիայի և Հայաստանի միջև ցամաքային սահմանի բացումը առևտուրը կհասցնի 1 մլրդ դոլարի. ԶԼՄ
Թուրքիայի և Հայաստանի միջև ցամաքային սահմանի բացումը առևտուրը կավելացնի մինչև 1 մլրդ դոլար։ Նման գնահատականներ է ներկայացրել թուրքական «Yeni Şafak» թերթը։
Սկզբում նախատեսվում է բացել Ալիջանի սահմանային անցակետը, նախատեսվում է, որ դա պետք է տեղի ունենա ամռանը։
Աշխատանքներ են տարվում նաև Կարսի կողմից Աքյաքա սահմանային անցման բացման ուղղությամբ։
Այս սահմանային անցումների ակտիվացմամբ ակնկալվում է իրականացնել երկու երկրների միջև տրանսպորտային և առևտրային ցանցի վերակառուցում:
Մասնավորապես առևտուրն իրականացվելու է ուղղակիորեն, այլ ոչ թե Վրաստանի միջոցով։
«Այժմ առևտրաշրջանառությունը գնահատվում է 300-350 մլն դոլար, առևտուրը կենտրոնացած է տեքստիլ, քիմիական արտադրանքի, սննդամթերքի և չմշակված թանկարժեք մետաղների վրա»,- նշում է պարբերականը:
Ավելացնել նոր մեկնաբանություն