Թրամփն ու Սի Ծինփինը Պեկինում կքննարկեն Թայվանի շուրջ ստեղծված իրավիճակը
Մայիսի 14-15-ը Պեկինում կայանալիք հանդիպման ընթացքում ԱՄՆ նախագահ Դոնալդ Թրամփն ու Չինաստանի նախագահ Սի Ծինփինը կքննարկեն ամերիկա-չինական առևտրային հարաբերությունները, Թայվանի շուրջ ստեղծված իրավիճակն ու լարվածության մյուս հիմնական օջախները։ Այս մասին հայտնում է Reuters գործակալությունը։
Թրամփն ու Ծինփինը նախկինում պայմանավորվել են ժամանակավորապես դադարեցնել այն առևտրային պատերազմը, որի շրջանակում ԱՄՆ-ն բարձր մաքսատուրքեր էր սահմանել չինական ապրանքների նկատմամբ, իսկ Չինաստանը դիտարկում էր հազվագյուտ մետաղների համաշխարհային մատակարարումների սահմանափակման հարցը:
Թրամփի և Ծինփինի վերջին հանդիպումը տեղի է ունեցել հոկտեմբերին՝ Հարավային Կորեայում:
Add new comment