ԱՄՆ-ն հայտարարել է, որ այս պահին չի պատրաստվում ՀՀ-ի հետ ռազմավարական գործընկերության փաստաթուղթ ստորագրել
Վաշինգտոնն «այս պահին դիտարկելու կամ հայտարարելու որևէ բան չունի» Հայաստանի հետ ռազմավարական գործընկերության մասին փաստաթղթի ստորագրման վերաբերյալ, «Ամերիկայի ձայնի» հարցին ի պատասխան՝ հայտարարել են ԱՄՆ պետքարտուղարությունից։
Արտգործնախարար Արարատ Միրզոյանը նախօրեին չէր հերքել տեղեկությունը, որ առաջիկա օրերին Հայաստանն ու Միացյալ Նահանգները ստորագրելու են ռազմավարական գործընկերության համաձայնագիր։
Առանց փակագծեր բացելու՝ արտաքին քաղաքական գերատեսչության ղեկավարն ասել էր, որ հայ-ամերիկյան նախկին պայմանավորվածությունները ենթադրում են նման փաստաթղթի ստորագրում:
Ավելացնել նոր մեկնաբանություն