Եթե ինչ-որ քայլ արեցինք, դա ՀՀ քաղաքացուն ի՞նչ է տալու․ Արսեն Թորոսյանը՝ Ստեփանակերտի եկեղեցու nչնչացումը չդատապարտելու մասին
Մենք հայտարարել ենք մի բան, որ մեր համար, մեր ժողովրդի համար Ղարաբաղյան շարժումը փակված է։
Ադրբեջանն իր ինքնիշխան տարածքում ինչ-որ բան է անում, այս մասին Հանրային հեռուստաընկերության եթերում հայտարարել է Աշխատանքի և սոցիալական հարցերի նախարար Արսեն Թորոսյանը՝ անդրադառնալով հարցին, որ Ադրբեջանը ոչնչացրել է Ստեփանակերտի եկեղեցին։
«Երբ հարևանների հետ հարաբերությունների կարգավորման փուլում ես, երբ ուզում ես հարաբերությունները նորմալացնել, երբ նման հարց ես բերում օրակարգ, ճիշտ չէ։ Ես կարծում եմ այդ մշակութային և պատմական ժառանգությունը կրողները կարող են այդ հարցը բարձրացնել, բայց երկկողմ հարաբերությունների օրակարգում այդ հարցը չի կարող լինել, քանի որ մենք փորձում ենք խաղաղություն կառուցել մեր հարևանի հետ, որի հետ ունենք շատ կնճռոտ անցյալ, որը մի օրում չի անցնելու, ես կարծում եմ, եթե անգամ իրենք անում են այդպիսի քայլեր, նաև ուզում են սադրել, մենք պետք է իմաստուն գտնվենք և չանենք նման քայլեր։
Եթե անգամ արեցինք, դա Հայաստանին, Հայաստանի քաղաքացուն ի՞նչ է տալու։ Ցավալի է, շատ ցավալի, դա լինի Ստեփանակարտում կամ այլ երկրում, բայց եկեք սթափ նայենք իրերին, և նայենք՝ մեզ ինչ է պետք մեր հարևանների հետ հարաբերությունները նորմալացնելու համար, խաղաղության գործընթացը հարատև դարձնելու համար»,- նշել է նա:
Ավելացնել նոր մեկնաբանություն