Հս. Կորեան նորագույն հիպերձայնային հրթիռ է արձակել
Հյուսիսային Կորեան նորագույն հիպերձայնային բալիստիկ հրթիռ է արձակել։ Այդ մասին հաղորդել է Կորեայի կենտրոնական հեռագրական գործակալությունը (ԿԿՀԳ)։ Ընդգծվում է, որ արձակմանն անձամբ հետևել են Կիմ Չեն Ընը դստեր հետ և երկրի ռազմական ղեկավարությունը։
Մեկնաբանելով հաջող արձակումը՝ Հյուսիսային Կորեայի ղեկավարը հայտարարել է, որ նոր հիպերձայնային հրթիռի ստեղծման նպատակն ինքնապաշտպանությունն է, այլ ոչ թե հարձակողական բնույթի գաղափարները։ Միևնույն ժամանակ նա ընդգծել է, որ Հյուսիսային Կորեայի նոր հիպերձայնային հրթիռն «ունակ է արդյունավետորեն հաղթահարելու աշխարհում ցանկացած հակահրթիռային պաշտպանության համակարգ»:
Նոր հիպերձայնային հրթիռը զարգացրել է ձայնի արագությունից 12 անգամ մեծ արագություն: Կիմ Չեն Ընի խոսքով՝ այն կարող է շրջանցել ցանկացած հակահրթիռային պաշտպանության համակարգ և նախատեսված է Ասիա-խաղաղօվկիանոսյան տարածաշրջանում ցանկացած հակառակորդների հուսալիորեն զսպելու համար, որոնք սպառնալիք են ներկայացնում Հյուսիսային Կորեայի անվտանգության համար:
«Համաշխարհային մասշտաբով միայն մի քանի երկիր ունի սպառազինության նման համակարգ»,- հավելել է Կիմ Չեն Ընը:
Ավելացնել նոր մեկնաբանություն