Հիմшր է նա, ով կարծում է` Պուտինը կանգ կառնի, եթե Ուկրաինայի որոշ տարածքներ զիջվեն խաղաղության համաձայնագրի շրջանակում. Բայդեն
ԱՄՆ նախկին նախագահ Ջո Բայդենը Սպիտակ տնից հեռանալուց հետո BBC-ին իր առաջին հարցազրույցում հայտարարել է, որ գործող ղեկավար Դոնալդ Թրամփի վարչակազմի կողմից Ուկրաինայի վրա գործադրվող ճնշումը՝ հանուն խաղաղության տարածքները ՌԴ-ին զիջելու նպատակով, «ժամանակակից հանդարտացման քաղաքականություն» է։
Այս քաղաքականությունը համեմատվել է 1930-ականներին Մեծ Բրիտանիայի վարչապետ Նևիլ Չեմբեռլենի վարած քաղաքականության հետ. վերջինս փորձում էր բավարարել Ադոլֆ Հիտլերի պահանջները՝ Եվրոպայում աղետալի համապարփակ պատերազմից խուսափելու նպատակով:
Նա ասել է, որ Ռուսաստանի նախագահ Վլադիմիր «Պուտինը համոզված է, թե Ուկրաինան Ռուսաստանի մաս է, և հիմար է նա, ով կարծում է, որ Պուտինը կանգ կառնի, եթե Ուկրաինայի որոշ տարածքներ զիջվեն խաղաղության համաձայնագրի շրջանակում»:
«Ես պարզապես չեմ հասկանում, թե ինչպես են մարդիկ մտածում, որ եթե մենք թույլ տանք բռնապետին, ավազակին, գրավել զգալի տարածքներ, որոնք իրենը չեն, դա նրան կբավարարի: Ես դա այնքան էլ չեմ հասկանում», - նշել է Բայդենը:
Նա նաև մտահոգություն է հայտնել, որ ՆԱՏՕ-ի որոշ երկրներ, որոնք սահմանակից են Ռուսաստանին, կարող են մտածել, որ պետք է «հարմարվեն» Պուտինին, եթե Ուկրաինան սկսի տարածքներ զիջել։
Ավելացնել նոր մեկնաբանություն