Ադրբեջանի նախագահը կրկին Ստեփանակերտում է

Ադրբեջանի նախագահ Իլհամ Ալիևը վերջին մեկ ամսում արդեն երկրորդ անգամ ժամանել է Ստեփանակերտ։ Այս մասին հաղորդում են ադրբեջանական լրատվամիջոցները։

APA գործակալության հաղորդմամբ՝ Ստեփանակերտի կենտրոնական հրապարակում Ալիևը անձամբ է վառել Նովրուզ տոնի առթիվ այստեղ տեղադրված ավանդական խարույկի կրակը։ Ադրբեջանի նախագահը Ստեփանակերտից նաև շնորհավորել է ադրբեջանցիներին Նովրուզի առթիվ։