Ռուսաստանը կստեղծի կրկնակի կառավարման համակարգով հիբրիդային ԱԹՍ-ներ
Ռուս մասնագետները աշխատում են «Բումերանգ» օպտիկամանրաթելային FPV անօդաչու թռչող սարքերի հնարավորությունների ընդլայնման ուղղությամբ։ Սարքերը կստանան օպտիկամանրաթելային մալուխի և FPV-ի միջոցով համակցված կառավարման հնարավորություն՝ կախված կատարվող առաջադրանքներից։
Ինչպես հաղորդում է «Դետքը»՝ TASS-ին հղումով, այս մասին հայտնել է ռազմարդյունաբերական համալիրի աղբյուրը։
«Ներկայումս քննարկվում է սարքերի մշակման ուղղություններից մեկը, որպեսզի անօդաչու թռչող սարքի կառավարման մեթոդները լինեն փոխարինելի և համակցված։ Մենք աշխատում ենք ապահովել, որ իրավիճակից և կատարվող խնդիրներից կախված՝ «Բումերանգ» FPV անօդաչու թռչող սարքերը կարողանան աշխատել ինչպես օպտիկամանրաթելային, այնպես էլ FPV-ի առկա՝ սովորական սխեմայով, այսինքն՝ կառավարվեն ռադիոյով և տեսանկարահանմամբ՝ ալեհավաքի միջոցով», - նշել է աղբյուրը։
ՏԱՍՍ-ի զրուցակիցը մանրամասնել է, որ այսօր օպտիկամանրաթելային անօդաչու թռչող սարքերի դեմ պայքարի միայն մեկ եղանակ կա։
«Օպտիկամանրաթելային անօդաչու թռչող սարքերը կարելի է վնասազերծել միայն մալուխը փոքր զենքերով կամ մեխանիկորեն վնասելով»,- ասել է մասնագետը։
«Բումերանգ» անօդաչու թռչող սարքերի շարքը արտադրվում է Մոսկվայում: Սարքերի օպտիկամանրաթելային տարբերակը սկսել է օգտագործվել ռուս-ուկրաինական հակամարտության գոտում 2025 թվականի մարտին:
Ավելացնել նոր մեկնաբանություն