Թուրքիայում մեկնարկել է «Doğu Akdeniz-2025» զորավարժությունը
Թուրքիայում մեկնարկել է «Doğu Akdeniz-2025» լայնածավալ զորավարժությունը։ Դրան մասնակցում են Թուրքիայի ռազմածովային ուժերին պատկանող 27 նավ, 4 սուզանավ, 18 ռազմաօդային միջոց, SAT և SAS (ստորջրյա հարձակման և պաշտպանության) հատուկ ջոկատներ, ափամերձ շրջանները պահպանող 4 նավ, ինչպես նաև ռազմաօդային ուժերին պատկանող 5 միավոր ուղղաթիռ և 44 միավոր F-16 կործանիչ։
Զորավարժությանը մասնակցում են նաև «Հյուսիսատլանտյան դաշինքի» (ՆԱՏՕ) մշտական դիտորդական խմբեր, ինչպես նաև 15 երկրից 83 մասնակից և դիտորդ։
Զորավարժության նպատակների մասին խոսել է ռազմածովային շտաբի մայոր Ալի Էրջյումենթ Օփչինը, Թուրքիայի հարավարևմետյան հատվածում գտնվող Մարմարիս քաղաքի Աքսազ շրջանի ռազմածովային բազայի «TCG Sancaktar» ֆրեգատում անցկացված բրիֆինգի ընթացքում։
Ըստ այդմ՝ զորավարժության նպատակն է ուժերի համատեղ գործելու ունակության բարձրացում, բազմազգ միջավայրում գործողությունների համակարգում, բազմաբնույթ պայմաններում սպառնալիքներին արձագանքելու կարողության զարգացում, բնական աղետների, ինչպես նաև ճգնաժամային իրավիճակների և հումանիտար օժանդակության սցենարներով արագ արձագանքման հմտությունների ուժեղացում։
Նրա խոսքով, Զորավարժության ընթացքում նախատեսվում են մարտական պատրաստության բարձրացման ուսուցումներ, թեստային սցենարներ, ցամաք և ծով նշանակետերի վրա առաջխաղացման, փրկարարական ինչպես նաև մի շարք այլ ցուցադրական գործողություններ։
Ալի Օփչինի խոսքով՝ «Doğu Akdeniz-2025»-ը ցույց է տալիս Թուրքիայի ռազմածովային ուժերի միջազգային համագործակցության հնարավորությունները և բազմազգ գործողություններին հարմարվելու ունակությունը։ Բրիֆինգին մասնակցել են օտարերկրյա և թուրք բարձրաստիճան հրամանատարներ, այդ թվում՝ ՆԱՏՕ-ի ծովային մշտական ստորաբաժանումների ղեկավարները։
Ermenihaber
Ավելացնել նոր մեկնաբանություն