Ադրբեջանի ՌՕՈՒ ստորաբաժանումները ուսումնական թռիչքներ են իրականացրել

Ադրբեջանի զինված ուժերի ռազմաօդային ուժերի ինքնաթիռներն ու ուղղաթիռները ուսումնական թռիչքներ են իրականացրել ընթացիկ տարվա ուսումնական պլանի համաձայն։ Այս մասին ասվում է Հանրապետության պաշտպանության նախարարության հայտարարության մեջ։

Ըստ «Դետքի»՝ այս մասին հայտնում է Minval.az-ը:

Սկզբում ստուգվել են օդաչուների՝ թռիչքի պայմանների և անվտանգության կանոնների վերաբերյալ տեսական գիտելիքները, որից հետո թռիչքային անձնակազմին տրվել են հրահանգներ։

Ուսումնական թռիչքների ընթացքում կատարվել են բազային օդանավակայաններում թռիչքի և վայրէջքի, սահմանված երթուղիներով թռիչքների, հրամանատարական և շտաբային կետերի հետ համագործակցությամբ օդային և ցամաքային թիրախների հայտնաբերման, ինչպես նաև այլ տեսակի գործողությունների հետ կապված առաջադրանքներ։

Ուսումնական թռիչքների հիմնական նպատակն է բարելավել ավիացիոն ստորաբաժանումների մարտական պատրաստվածությունը և զարգացնել ռազմական օդաչուների գործնական հմտությունները։